Recampats per d’ondadas immobilas

Per fin de nos canalizar la pensada e empachar un stream of consciousness ont nos emplonsariá la reflexion ligada a de concèptes tan rics semanticament que « numeric » e « territòri », concentrem-nos sus un aspècte de la tecnologia numerica espandit pels mèdias generalistas e dins nòstre lengatge : « lo » numeric, valent a dire los utisses del web, d’internet e mai que mai çò qu’apelam « rets socials ».