Seleccionar una pagina

Novèlas

0 |

Qué de nòu jol palmièr ? Una Granda Fèsta !

Qué de nòu jol palmièr ? Una Granda Fèsta !

Per sa 4ena edicion, l’eveniment « Quoi de neuf sous le Palmier », portarà ongan las colors de la cultura occitana, en partenariat amb lo Festenal Total Festum de la Region Occitània. Es doncas « Una Granda Fèsta ! » que s’aprèsta, amb 3 jornadas e 2 nuèches excepcionalas e festivas dins la clastra dels Jacobins, del divendres 8 al dimenge 10 de junh.

Convent dels Jacobins  © Patrice Nin

Del 8 al 10 de junh, lo Convent dels Jacobins s’ornarà de las colors occitanas. Tres jorns de concèrts, de charra e de charradissas son prevists per una programacion centrada sus las votz e los parlars occitans. Mormolhada, declamada, bramada, bresilhada, cantada, la votz de la cultura occitana ressonarà jos las vòutas del convent dels Jacobins de Tolosa.

Pendent aqueles tres jorns, los visitaires barrutlaràn dins lo convent e butinejaràn las proposicions artisticas e musicalas a lor agrat per una descobèrta plena de la cultura occitana. Artistas, cantaires, musicaires, e presicaires faràn cantar l’occitan:
Tomas Baudoin amb AEDES,
lo grop polifonic LO BARRUT,
lo triò TALABRENE acompanhat d’aucèls, de tartugas e de dracs d’argela,
Brice Duisit per una nòva interpretacion de la CANSON DE SANTE FEDES,
Bernard Combi e Maurici Moncozet amb « MARCELA FOR EVER »,
los escolans del CNR del Xavièr Vidal e lo talhièr vocal del COMDT…

Aquela dimenjada serà l’escasença pels amators de cant de s’amassar per de moments d’expression vocala liura. Los curiós poiràn, eles, participar a de talhièrs de creacion de mascas, de despèrt corporal o de fabricacion d’aucèls fiulaires d’argela. Los jogaires se poiràn divertir amb de jocs de fusta tradicionals dins la clastra.

Lo Barrut

Bernard Combi e Maurici Moncozet

Delta Sònic (Henri Maquet)

Aucèl d’argela fiulaire

Duò P.A.T.O.I.S

Jòcs de fusta Vam e Nhac

Las seradas, fins a mièja-nuèch, encantaràn los espectators.
Lo divendres 8 de junh, venètz descobrir un concèrt del duò P.A.T.O.I.S : aquelas doas cantairas-musicairas del grop La Mal Coiffée mesclan repertòri occitan e percussions.
Lo dissabte 9 de junh, venètz dançar al concèrt de DELTA SÒNIC: un one-man-music-show original creat per Henri Maquet, musicaire poli-instrumentaliste jos influéncias electrò-pòp e tradicionalas. Los visitaires poiràn vibrar e dançar sus aqueles ritmes generós. Pichona restauracion e beguda seràn a disposicion pendent aquelas seradas.
Lo dimenge, los visitaires acabaràn la dimenjada en doçor amb un dinnar sus l’èrba a partejar e a cantar dins lo jardin de la clastra. Tornaràn trobar l’ambient dels repais de nòças, ont cadun a son torn canta son repic estrambordat, son coblet virtuós, sa tornada a cantar en còr.

Los visitaires poiràn tanben vagar dins una cadièra longa del CIRDÒC per una descobèrta musicala de la cultura occitana, somiar amb de poèmas o encara se daissar breçar pendent una prangièra cantada e poetica animada pel talhièr vocal del COMDT e acompanhada pels charraires de CALAME ALEN.

« Quoi de neuf sous le palmier ? Una Granda Fèsta ! » es tanben un convit mandat als escolans bilingües occitanistas. Lo divendres lor serà dedicat, amb al programa, de talhièrs d’escritura e de creacion de mascas, un jòc de pista, l’adaptacion de musicas tradicionalas en slam, la realisacion d’una fresca compausada de poëmas escriches a la greda e d’autras animacions a descobrir sus plaça… Venètz assistir a la restitucion de lor trabalh en fin de vèspre amb « Ràdio Jacobins », l’emission fictiva de l’eveniment: l’escasença d’un rescontre occitan entre los artistas (Balelo, Julie Loubère, Gérard Rigaud e Ange B) e los escolans. Rendètz-vos a 15h30 !

Pendent aqueles tres jorns e doas nuèches de Granda Fèsta jol palmièr, de nombrosas suspresas seràn previstas e totes les senses dels visitaires seràn sollicitats.

Benvengut a totes ! La granda fèsta es vòstra !

Organizat per:

Couvent des Jacobins de Toulouse

Los 8, 9 e 10 de junh de 2018

A prepaus de l'autor

Lo Diari

Aquel compte es bailejat per tota la còla de redaccion del Diari. Es aquel compte que s'ocupa dels afars corrents sus aqueste site e s'encarga de la publicacion dels articles.

Laissar un comentari

avatar

This site uses Akismet to reduce spam. Learn how your comment data is processed.

  Soscriure  
M'assabentar quand

M’aboni !

Anóncia

Compte-rendut: Lo Diari, vòstre vejaire nos interèssa !

Los darrièrs clips

Cargament...

La letra del Diari

Los darrièrs comentaris

    Soscrivètz a nòstra letra d'informacions !

    Soscrivètz a nòstra letra d'informacions !

    Vos prepausam de vos abonar, en dos clics, a una letra regulara que vos tendrà assabentat·da de las sortidas dels novèls Diaris papièrs e de la publicacion d'articles novèls.

    Avètz soscrich amb succès !