Decòr de còr – Omenatge a Miquèl Decòr
L’IEO Aude e l’editor Tròba Vox se son associats per fin de vos presentar un libre d’omenatges al poèta de lenga occitana Miquèl Decòr (1949-2021), a la seguida de sa disparicion.
Ne legir maiTot çò de publicat per IEO Aude
Villàs de femnas
En Menerbés, per las vinhas, los cabanòts servissián per recaptar los espleches, abrigar de l’auratge vendemiaires e vendemiairas, aculhir las amors bartassièras qu’i venián nisar d’amagat. La particularitat d’aquestes granjòts e masets es que pòrtan de pichons noms femenins : Carmen, Liseta, Annà…
Ne legir mai
La mar sus las espatlas
Jol titol La mar sus las espatlas (que repren un vèrs de l’Ives Roqueta), l’IEO Aude publica un recuèlh de tèxtes escrits entre 2012 e 2017 pel Miquèl Decòr, libre qu’èra a mand de partir a l’estampariá quand lo poèta nos quitèt a la prima passada.
Ne legir mai
L’Oliu del giratòri
Dins aquel conte ecologic, seguissèm la aventuras de Pablo, un oliu andalós transplantat un jorn sus un giratòri. Los emplegats de la Comuna li fan plan de misèrias. Crenta la ventòrla e demanda a sa passatgièra clandestina, una migala, d’anar véser endacòm mai.
Ne legir mai
Tè… Ve !
Dins aquel libre d’un centenat de paginas, Clamenç, umorist de lenga occitana, i presenta los tèxts dels esquèchs de sos quatre darrièrs espectacles : Mesclum, Clics d’òc, Tè…Ve !, òc-limpià. Aqueste obratge congostarà a l’encòp aqueles qu’assistiguèron als espectacles de Clamenç coma als afogats d’occitan que descobriràn aquí una lenga a l’encòp rica e aisida de comprene. Un espet de rire dins aquela passa sorna a pas jamai fach de mal en degús !
Ne legir mai
Tot a l’encòp – Cronicas Papieròt Menerbés (2017-2019)
Segon los precèptes jupiterians actuals, se pòt èsser en même temps de dreita e d’esquèrra, gilet jaune e gilet vèrd, contra lo rescalfament climatic e proprietari d’una veitura-diesèl… Lo cronicaire del Papieròt menerbés dins La Semaine du Minervois capita, el, setmana aprèp setmana, d’èsser tot a l’encòp : espepissaire de l’actualitat, cercaire de provèrbis, critic literari, esportiu afogat, conselhièr gastronomic, joglaire de mots e formulas, romegaire patentat, umorista ironic, obrièr de la lenga nòstra… Tres annadas de cronicas represas per tematicas : L’anar dels jorns ; Agach critic ; Mots e provèrbis ; Contes e racontes ; En mai.
Ne legir maiCrompar Lo Diari
-
Lo Nadal del Diari 2023
27,00 €
-
Abonament a Lo Diari
De : 1,50 € / mes
-
Lo Diari (al numèro)
0,00 € – 5,00 €
Los darrièrs clips
