Tot çò de publicat per Gérard Le Vot

Musicològue, especialista del periòde medieval, musician e cantaire, Gérard Le Vot prepausa un florilègi que ven comolar una manca editoriala : cinquanta cançons d’amor de trobadors dels sègles XII e XIII, presentadas amb lor musica, lors paraulas en òc, de traduccions francesas e una vida de l’autor. Las melodias i son notadas en partissent dels manuscrits de l’Edat Mejana, amb una vista exacta de las ligaturas e de las pausas, e l’autor i fa de proposicions per l’interpretacion d’aquelas cançons uèi lo jorn. Una antologia « tèxte e musica » tan pels amoroses de la poesia occitana coma pels musicians.