Pel destin de Pierre-Louis Berthaud e jos son agach sovent acèrb, son de pans entièrs de l’istòria politica e culturala francesa e europèa que se revèlan : las annadas Marquet a Bordèu, lo passatge progressiu d’una franja de l’esquèrra cap a l’extrèma-drecha, la solidaritat entre catalans e occitans, los vichisto-resistents, lo drama de la deportacion e los debats a l’entorn de sa memòria, las revindicacions e luchas intèrnas dels movements d’òc, pan de l’istòria intellectuala miègjornala tròp sovent amagat…