Willie Dunne daissèt son Irlanda natala per combatre al costat dels Aliats. Sus la tèrra de Flandra, lo jove soldat irlandés es submergit dins las orrors de la guèrra de 14-18…
Al mitan dels combats e del chaple, Willie descobrís la complexitat de l’aventura umana, mentre qu’a Dublin bronzís ja la rumor de l’insurreccion de Pascas. Aqueste roman istoric de l’irlandés Sebastian Barry, paregut en 2005 foguèt seleccionat pel prestigiós Man Booker Prize.