Aqueste recuèlh amassa de legendas eissudas en màger part de la tradicion orala, collectadas dempuèi mai de 40 ans dins l’encastre de l’associacion CORDAE La Talvera o per d’autres, dins l’ensemble de la region Occitània. I traparetz de racontes que se referisson a un temps mitic, ont lo Diables, los geants o la Vèrge faiçonavan lo païsatge, de legendas istoricas que s’escalonan dels primièrs sègles juscas a la Revolucion francesa, mas tanben de legendas mai contemporanèas pobladas de lops, bandits e femnas salvatjas… A flotejar entre çò real e çò imaginari, çò factual e çò ficcional, e entre lo monde dels òmes e lo monde dels dieus, la legenda conta gaireben totjorn l’istòria o la fortuna de las comunautats en raportant d’eveniments enrasigats dins la vida locala.