La Bauma de La Vèrnha es lo tresen roman de Francis Cournut. Lo Jòrdi mena una vida urosa dins un pichon vilatge, al mitan d’una natura aculhenta, mas va èstre victima dels travèrses dels òmes. Es un roman negre ont amistat, amor e òdi se mesclan. Per fugir lo quotidian e los adultes, Jòrdi se va amagar dins una bauma perduda al fons de la castanhal.
Francis Cournut
Lo Grelh Roergàs, 2020
134 paginas
12 €
L’autor es nascut a Sant-Africa en 1947 e visquèt dins una pichona bòria, a Costrís, fins a sos vint ans. Aquel libret conta lo temps de sa joinessa, lo trabalh de las sasons, la vida dins una familha unida e urosa, a l’alba de las novèlas tecnologias. Dintrèt dins l’administracion dels PTT e i faguèt carrièira dins las nombrosas vilas ont lo menavan sas promocions. Los PTT son una entrepresa de man-d’òbra que recruta dins tot lo país. Es per aquò que l’autor se trobèt al mitan de collègas de trabalh desrasigats de lor país e que parlavan lor lenga mairala : lo breton, lo basco, lo picard, lo catalan, lo creòl, lo gascon, lo limosin, lo provençal e sa lenga, lo lengadocian. Descubriguèt aquela riquesa culturala que son las lengas regionalas. A la retirada dins son país natal, se faguèt marcar a l’Universitat Paul-Valéry per aprigondir sas coneissenças dins la lenga occitana e passèt la licéncia. La Bauma de La Vèrnha es lo tresen roman de Francis Cournut. Lo Jòrdi mena una vida urosa dins un pichon vilatge, al mitan d’una natura aculhenta, mas va èstre victima dels travèrses dels òmes. Es un roman negre ont amistat, amor e òdi se mesclan. Per fugir lo quotidian e los adultes, Jòrdi se va amagar dins una bauma perduda al fons de la castanhal.
Vos prepausam de vos abonar, en dos clics, a una letra regulara que vos tendrà assabentat·da de las sortidas dels novèls Diaris papièrs e de la publicacion d'articles novèls.
