Dins son prefaci a la segonda edicion d’aquesta gramatica, Emmanuel Isopet nòta : « sabèm que las carpinhadas son nombrosas [sus la grafia], mas fin finala, las diferéncias ténon sus qualques detalhs e la màger part de las règlas fan consensus ». Es amb aquesta volontat de consensus que Jacme Taupiac desplega, pagina a pagina, un vertadièr metòde d’aprendissatge d’occitan dich « estandard » que pren en compte çò local e – novetat de l’edicion novèla – prepausa qualques exercicis. Una ajuda preciosa per los e las qu’aprenon sols, amb d’explicacions claras, de paragrafes tematics, e l’enveja afortida de tornar a la lenga un pauc de sa dignitat.