Un carton sobrenc trobat pendent un mudadís… e l’imaginacion s’embala ! Tot i pòt caber, del void a emplenar simbolicament a la memòria viva del passat en passant per de revelhs roges espetants… Qué somièssem d’aventura, d’un avenidor daurat, qu’aguèssem lo gost del risc o mai simplament de las tendras suspresas, avèm accès aicí a la « clau de las istòrias ». Un sol detalh pas esperat bastèt per suscitar aquelas novèlas inventivas, seleccionadas demest plan de proposicions, en francés coma en occitan. Lo concors annadièr prepausat pel Lecteur du Val a alandat, amb aquel carton misteriós, una fenèstra sus maitas escapadas.