La màger part de las comptinas presentadas dens aqueth recuelh que son gessidas de la tradicion orau occitana. L’autor que las recuelhó au parat de collectatges e d’enquèstas de terren. Qu’èran ditas un còp èra aus mainatges entà’us breçar, desvelhar o peus mainatges eths medishs entà jogar e s’amusar. La seleccion qu’estó hèita dab regentas de classas bilingüas e lo libe que s’acompanha d’un disc dens lo quau l’autor dit o canta totas aqueras continas, indicant aus mainatges (e aus parents) la prononciacion, lo ritme e la melodia.