Vadut a Sabres dens las Lanas, Bernat Manciet (1923-2005) qu’es l’autor d’una òbra màger dens la literatura occitana. La sua escritura poetica qu’es fondada sus la respiracion e qu’apèra lo díder e la proferacion.

A partir de proessas artisticas publicas (Bernat Lubat…) e de lecturas en occitan, aqueth documentari que s’estaca a har enténer la vutz de pas comparar deu Bernat Manciet. Entertiens dab l’autor, testimoniatges, lecturas, musicas, fotografias e dessenhs deu poèta completan aquera immersion dens l’òbra, la pensada e la personalitat deu Bernat Manciet.