Seleccionar una pagina

3QA

0 |

Christian Philibert

Christian Philibert

Massilia Sound System, le film

Tres questions a Christian Philibert, realizator e scenarista, conegut per son docu-ficcion Les quatre saisons d’Espigoule, que presenta son darrièr film Massilia Sound System, le film.

Copyright: RaggaeLover

– 1 –

De qué representa per vos Massilia Sound System ?

Es un grop emblematic que saupèt desvelhar nòstra cultura e revitalizar lo « folclòre » nòstre, dins lo sens original dau mòt. L’ai descubèrt dins leis annadas 90, amb lo CD Parla patois ! en mème temps qu’IAM, que Guédiguian per lo cinèma, a una epòca qu’èri en trin de me demandar s’anavi pas montar a París… Me donèron bensai la fòrça de demorar aquí, d’escapar au formatatge.

– 2 –

Coma es vengut aquèu film, coma avètz trabalhat ?

Aviáu un esqueleta : voliáu seguir Massilia dins sa virada dei 30 ans. D’abòrd per lei concèrts de l’automna 2014, puèi dins l’estiu 2015. Entre aquelei moments pensavi de trabalhar sus l’Istòria de Massilia, Lux B, lei formacions parallèlas, e analisar lo fenomèn Massilia amb de jornalistas, d’intellectuaus, d’occitanistas, de musicians… En filmant, descubriguèri de personalitats incredibles e una intelligéncia collectiva. Me diguèri que lo film èra aquí, a l’interior : Massilia inside ! Au finau es Massilia que se raconta.

– 3 –

Un film sus Massilia, es un biais d’esclairar vòstre trabalh de realizator « decentralizat » ?

Òc complètament. Sabiau qu’aviam un molon de causas en comun. M’ajudèt a comprendre lo sens de çò que fau. Quand Tatou nos explica que faguèt lei causas amb çò que i a a portada de man, en creant una dinamica, sens esperar que venguèsse de d’amont… Practicam un art que ven dau pòble, quauquaren que parla a totei lei publics, totei lei generacions, qu’escapa ais encastres dau poder (es encara mai fòrt au cinèma), e que leis elèits ignòran, simplament. Siam prigondament anti-centralistas.

A prepaus de l'autor

Laissar un comentari

avatar

This site uses Akismet to reduce spam. Learn how your comment data is processed.

  Soscriure  
M'assabentar quand

M’aboni !

Anóncia

Compte-rendut: Lo Diari, vòstre vejaire nos interèssa !

Los darrièrs clips

Cargament...

La letra del Diari

Los darrièrs comentaris

    Soscrivètz a nòstra letra d'informacions !

    Soscrivètz a nòstra letra d'informacions !

    Vos prepausam de vos abonar, en dos clics, a una letra regulara que vos tendrà assabentat·da de las sortidas dels novèls Diaris papièrs e de la publicacion d'articles novèls.

    Avètz soscrich amb succès !