Lo volontariat de Hocine Zaoui
Es a se demandar cossí vuèi le teatre, que de mès en occitan, pòsca arribar a se fèr una plaça, tant menudeta siaga, demest les lésers e passatempses pletorics e envaïdors que coneguèm. Vaquí coma exemple l'aventura de la còla de teatre de l'IEO d'Arièja.
Capitèt pas d’aver lo son bac al mes de junh passat e voliá far una pausa dins los estudis. Lo volontariat li permetèt aquò, en tot descubrir lo mond professional de la ràdio. Las seunas missions foguèron de participar a la cobèrta radiofonica pel biais de rubricas novèlas per far descubrir la lenga e la cultura occitanas als auditors, acompanhar la còla dins la realizacion e l’enregistrament d’emissions.
Per Hocine, foguèt un còp de còr pel mestièr de jornalista a la ràdio. Es un jove pro dinamic e volontari, prenguèt d’iniciativas e a pogut botar en practica qualques idèas de cronicas.
Li agradèt vertadièrament l’idèa d’aprene lo mestièr en fasent. Per el, l’experimentacion es una pedagogia de las bonas.
Aqueste volontariat, li permetèt tanben, de prene consciéncia qu’un diplòma li dubririá de pòrtas mai aisidament.
Al mes de junh passat, obtenguèt lo Bac Economic-Social en candidat liure e s’es inscrit dins una escòla de ràdio per setembre de 2017.
Sembla qu’aqueste jove a trapat lo seu camin professional ; es vertadièrament un dels resultats pro positiu del volontariat.
