Seleccionar una pagina

Estudiant

0 |

Lo Festival Pyrénées Breizh : una istoria d’amor entre doas culturas : l’Occitan e lo Breton

Las lengas occitana e bretona son totas doas de lengas regionalas de França : la primièra se concentra al sud, de las Pirenèus Atlanticas duscas a la frontièra amb Itàlia e puèi dincas al Limosin e lo sud d’Auvènha. La segonda, coma son nom l’indica : en Bretanha. Pichòta parentèsa istorica : lo territòri de Bretanha foguèt un ducat feodal duscas en 1547 ont foguèt restacat amb França per una istòria de restitution del rei Enric 2. Per resumir, son de lengas que disèm regionalas per que òc, son lo còr d’una identitat culturala e de riquessa. Anam d’uèi parlar d’un eveniment important qu’es un festenal … M’anatz dire qu’a pas res d’extràordinari mas anatz vèire qu’es pas un festenal coma los autres : en efièch, resulta d’una mescla d’aquestas doas culturas que son la Bretanha e l’Occitania. Una mèscla plan interesanta, anatz o vèire ! Tot comença en 2014 amb una idèia de projècte amb la vila de Banhèras de Luchon, “citat pirenenca” dins lo 31! La tòca es de far un mestissatge musical e cultural : a un doble benefici, se revela èsser atractiu amb totas las activitats prepausadas mas es subretot un mejan de ligar lo monde en descobriguent de novèls biaisses de partajar e d’escambiar. Çò qu’es tanben interessant, es lo ligam d’associacions que permeteron de crear un tal eveniment coma Breizh en Òc. Foguèt creada en 2001 (fa doncas particament 18 ans!) que prepausa un larg programa d’activitats variadas asseguradas per de benevòls : talhèrs (cada setmana) de cant, de dansa, de musica tradicionala mas tanben d’estagis dubèrts a tot lo monde. Son seti se trapa a Cunhau (pròche de Tolosa) e compta a l’ora d’ara un centenat de membres que vènon de tot asuèlh. Organisa e prepausa egalament dos eveniments que fan bolegar lo monde : un grand balèti apelat “fest-noz” ont se dança en mòde occitano-breton, e un balèti itinerant dins la region. Mini exemplari de las activitas prepausadas :
Talhèr de musica (instruments) Talhèr de canta Talhèr de dança Talhèr de lenga bretona
-la bombarda -la cabreta -caissa clara -musica d’ensemble -cant a dansar -sansonha -cant de la mar – descobèrta de la danças bretonas – danças coregrafiadas (gropes) Pels debutants e intermediaris
Aquesta associacion es dins una mèna de partenariat amb lo festenal Pyrénées Breizh dins lo sens ont i a de fest noz (balèti breton) que sont programats dins los quatre jorns de fèsta. Mas tornam venir al nòtre festenal Pyrénnes Breizh. Va far cinc ans que se debana dins un ambient de fèsta e d’emocions : es sus quatre jorns (generalement en fin de setmana per que un máximum de monde pòsca ne profitar. En parlant d’aquò, los festenalièrs pòdon participar segon lors talents es a dire que i a, lo primièr jorn, una mèna de jornada d’escèna dubèrta per los que vòlon se produsir! Aprèp, i a de nombroses estagis que son prepausats, que cambian cada annada, d’estagis de canta, d’instruments, danças e lenga que se debanaràn sus los tres darrièrs jorn del festenal (jos reserva d’inscripcion plan segur). Las jornadas son ritmadas per de concèrts animats per de gropes occitans E bretons fòrça variats mas tanben de conferéncias, d’aperitius e de repaisses partajats dins un ambient montanhòl ! Segon la metèo, una passetjada contada es generalament prevista pr’amor de descobrir una de las doas cultura dins un cadre de natura apasimanta e agradiva. Cal pas doblidar lo passa-carrièra amb de gropes locals e d’autres venguts de luènh e mai un grand balèti per clavar la darrièra serada del festenal ! Un festenal coma aquèste pòt se revelar coma un punt important de la difusion de las culturas “botadas de costat” mas tamben un luòc de descobèrtas e de rencontras, ont pichons e grands tròban lor compte!

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Sandra Dupont

Sandra es estudianta d'occitan a l'Universitat de Tolosa Joan Jaurés.

Soscriure
M'assabentar quand
0 Comentaris
Retorns en linha
Veire totes los comentaris

Crompar Lo Diari

Los pòdcasts

Los darrièrs clips

Cargament...

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.