Nadal !

Enfin… dins gaire. Per aquò vos avèm aprestat una ofèrta que poiretz pas refusar : un paqueton de totes los Diaris de l’annada a un prètz que desfisa la concurréncia (es plan simple : sèm los sols d’o far) !

Ideal per botar jol pinhièr, e far descobrir un magazine de tria (en tota objectivitat) a qualqu’un que coneis pas, a qualqu’un que coneis mas qu’es pas abonat·da (n’i a encara ?) o a un·a fan·a que se vòl tot çò que sortís de la premsa a Diaris (sabèm pas jamai).

Atencion pasmens, aquesta ofèrta es limitada dins lo temps (avètz fins al 14 de decembre) e en nombre ! “Premier arrivé, premier servi”, çò dison.

Del mai la comanda serà facha lèu, del mai seretz assegurat·da de recebre aquel paquet·on·às dins los tempses de las fèstas ! Pas qu’aguèssem pas fisança en los servicis postals mas nos semblan un bricon subrecargat d’aquesta passa.

Es tot ? Es tot. Un clic aquí ont cal per passar comanda e fai tirar. Melhor que lo clic & collect, lo clic & flòu-siás-liurat-autanlèu*.

* Se la Pòsta o vòl plan.