Seleccionar una pagina

Deu neient ençà

0 |

L’exòde

L’exòde

Adèptes e Adèptas deu Diu Negre, uei, lo Collectiu que’vs perpausa de viatjar un darrèr còp peu metro moscòvite, en pujar en l’Auròra, l’unic trin tà la susfàcia. Ça-vietz encontrar la capdèra de las adaptacions videoludicas gessidas de l’univèrs de Dmitry Glukhovsky : Metro Exodus.

Vadut en 2019, après cinc ans de desvolopament, Metro Exodus que marca ua rompedura dab los sons ainats. En efèit, l’estúdio ucraïnian, a la manòbra despuish Metro 2033, que hasó la causida deu cambiament. Tostemps fondat suu principi deu FPSNDLR : First Person Shooter, sia ''Jòc de Tir en Purmèra Persona'', Metro Exodus que’s singulariza purmèr peu hèit de non pas adaptar l’òbra de Glukhovsky, mes de pensar l’après. Ua causida de las perilhosas, mes qui permet d’emancipar l’escritura d’un quadre, sovent tròp estrèit : riscs pagants en l’ocurréncia.

Totun, los desvolopaires ne rompón pas tots los ligams dab las produccions anterioras, en mantiéner, per exemple, los personagtes principaus : atau que retrobam Artyom, Annà e Melnik, acompanhats per ua escoada de l’Òrdi. Qu’ei mantienut tanben lo sistèma de melhorança de las armas, la gestion deus filtres tà la masca-gas e lo comptader Geiger tà las radiacions : chics cambiaments d’aqueth costat.

Entà trobar ua diferéncia, qu’avem a gaitar lo sistèma de jòc. En efèit, la critica màger, qui èra hèita aus ainats de Metro Exodus, qu’èra lo sentit “correder” : lo hèit de seguir ua istòria, shens aver nada possibilitat de l’influenciar. D’estar condemnat a passar per un camin predefinit, dab hèits escriptats e ua fin unica. Vertat qu’ei, la licéncia Metro, qu’èra en tardança sus aqueste punt, quan la mòda èra aus mondes obèrts. A plaser los jogaires ! Metro Exodus n’ei pas un monde obèrt, e que s’està, peu Diu Negre, tròp barrat enqüèra, mes esfòrç que son estats hèits. Sustot sus las mapas, qui son mei bèras e obèrtas. Que notam tanben la possibilitat d’influenciar lo briu de l’intriga (quan serà binària) ; ua influéncia qui poderé aver consequéncias de las terriblas au moment de l’epilògue. Fin finau, ua avançada agradiva mes tròp mesurada.

Enlà d’aqueste bemòl, que podem notar un tribalh deus bons sus l’immersion (mercés a l’escritura a la quau participè Glukhovsky). Qu’ac podem díser, lo perlongament aqueste deus romans, que fonciona de plan. Simple e eficaç, que ns’i deisham gahar. Cada estanc forçat de l’Auròra que hè pujar la tension e que hè víver aus jogaires un sentit d’urgéncia, qui’us fòrça, tròp sovent, a har maishantas causidas. Los personatges tanben, escriuts dab intelligéncia, que participan hèra a l’ambient globau de subervita : malaja, quan vienen a non pas mei respóner a la ràdio ! Qui ne corró pas com un pèc entà retrobar Annà, e de càder, com era, au clòt radioactiu on ns’esperava despoderada ?

Metro Exodus, que hè partida d’aqueths jòcs que tornam començar dab plaser, mercés a l’ambient suenhat e a l’istòria contada. Ua qualitat qui n’èra pas la de las adaptacions precedentas. Lo Diu Negre que’u ve conselha e que’vs desira vacanças de las bonas !

Metro : Exodus

4A Games / Deep Silver, 2019
PC, PlayStation 4, Xbox One

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Soscriure
M'assabentar quand
0 Comentaris
Retorns en linha
Veire totes los comentaris

Crompar Lo Diari

Los pòdcasts

Los darrièrs clips

Cargament...

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.