Lei dos pastres
Daidièr Mir

Lei dos pastres es una estampa d’aquatinta sus coire de 15 x 15 cm. S’engimbra ambe lo projècte de libre e de film documentari totei dos entitulats Leis Inaudibles de D. Mir que la sortida n’es prevista per la debuta de l’estiu 2023. Es una clau, un ligam que pòt menar ai vòtz vertadieras dau monde cochats per l’armada de son vilatge, Bròve, dins lo Var Naut, çò qu’es vengut a l’ora d’ara lo camp de Canjuers. Se l’afaire data de quasi cinquanta ans lo sovenir n’es ancara viu per leis abitants e leis artistas que luchèron per sauvar sa tèrra e son vilatge. Aquelei vòtz e testimoniatges se pòdon ausir e veire sota la fòrma de setze retrachs video que son estats publicats per lo CIRDOC dins lei paginas de l’enciclopedia en linha Occitanica.