Seleccionar una pagina

L'occitan blos

1 |

Las doás èrras apicalas

Las doás èrras apicalas

Sus Facebook, un grop exprimís sas « conviccions lingüisticas occitanas », coma d’autres exprimísson lors conviccions politicas. Lor « programa occitanista » es aqueste : Defensa de la prononciacion apicala de « R » en occitan.

Es vertat que durant de sègles, de milions d’occitans an prononciat lo francés ambe l’« accent occitan » (e aquò contunha…). Es vertat tanben qu’actualament de milièrs d’occitan que vòlon tornar apréner nòstra lenga nacionala, la pronóncian tròp sovent ambe l’« accent francés » e, concrètament, en remplaçant l’èra apicala autentica per l’èrra dorsala francesa. Çò que fa que soi d’acòrdi ambe « la defensa de la prononciacion apicala del fonèma /r/ ».

Mas, cal saber que i a pas una èrra apicala mas doás.

L’èrra apicala simpla se realiza ambe un sol batement del cap de la lenga, exactament coma dins lo mot espanhòl ahora (occitan « ara »; francés « maintenant ») e coma dins lo nom de l’estacion de mètro, a Tolosa, Los Argolets.

L’èrra apicala multipla se realiza ambe mai d’un batement del cap de la lenga, exactament coma dins lo mot espanhòl ahorra (occitan « estàlvia » ; francés « il économise ») e coma dins l’occitan la tèrra, a esquèrra, la Roseda (francés « la Roseraie »).

L’èrra apicala simpla es plan mai frequenta que l’èrra apicala multipla.

Los dos mots espanhòls ahora e ahorra fòrman çò que s’apèla « un parelh minimal ». En occitan tanben avèm quelques parelhs minimals que pròvan l’existéncia de dos fonèmas diferents, coma en espanhòl :

Lo marit (francés « le mari ») (mot emplegat mai que mai dins l’expression « marit e molhèr ») e lo marrit (francés « le méchant »).

L’araba (es a dire « la femna de nacionalitat araba ») e la raba (francés « la rave ».)

I a, en occitan, mai que l’èrra apicala simpla ; i a tanben l’èrra apicala multipla dins tres cases : quand la letra es escricha dobla (l’esquèrra) ; quand la letra es a la posicion iniciala (la Roseda, la raba) ; quand la letra es abans o après l o n (parlar, Amalric, Enric, Bernat).

Dins un occitan estandard corrècte i a l’èrra apicala simpla e tanben l’èrra apicala multipla.

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Jacme Taupiac

Jacme Taupiac, nascut en 1939 en Lomanha, es un lingüista occitan contemporanèu reconegut, membre del Grop de Lingüistica Occitana, del conselh lingüistic del Congrès Permanent de la Lenga Occitana e de l'Institut d'Estudis Araneses-Acadèmia Aranesa de la Lenga Occitana. Trabalhèt e trabalha encara bravament sus la normalizacion de l'occitan e lo desvolopament de l'occitan estandard. Publiquèt un ramelet de trabalhs sus la lingüistica occitana : L'occitan blos (1964), Diccionari de mila mots (1992), Gramatica occitana (2000)...

Soscriure
M'assabentar quand
1 Comentari
mai ancians
mai recents mai populars
Retorns en linha
Veire totes los comentaris
Gilbert CARRERE
Gilbert CARRERE
26 genièr de 2024 15h00

Adessiatz en totei ! Vaquí un subjècte que m’interessa ! Siáu provençau, e, en Provènça, en principi avèm dos “r” tanbèn, mai un qu’es apicau e l’autre dorsau. Lo premier es lo “r” simple entre doás vocalas, e lo segond dins totei leis autrei posicions. Arremarquèri que la màger part dei neo-occitanofòns de Provènça an abandonat lo “r” apicau. Sabi pas s’es pecat ò non, s’es un apauriment ò non, mai es un fach. Quand ai (re-)aprés la lenga de meis ancians, mi siáu aplicat a destriar lei doás prononciacions, e èra pas totjorn aisit, mai pasmens m’i siáu fach,… Ne legir mai

Crompar Lo Diari

Los pòdcasts

Los darrièrs clips

Cargament...

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.