La Capirotada de merluça
Es un plat qu’apareis dins la pèça teatrala en occitan e francés Le jugement de Pâris de Francés Bonet publicada en 1628Véser : Philippe Gardy, 1984, ''Écriture occitane et tensions linguistiques en Bas-Languedoc au XVIIe siècle : l’œuvre de François Bonnet'', Colloque international d’études occitanes. Lunel 25-28 août 1983, Montpellier, Centre d’estudis occitans, p. 187-201. Es un plat marselhés que se fa amb de peis o amb de polet. Aicí vos prepausam la version amb de merluça.
Ingredients
Preparacion
Per començar pelarem e coparem las cebas en tres o quatre tròces. Picarem sièis o sèt branquilhons de jolverd. Puèi trocejarem la merluça dessalada e estorida e l’enfarinarem. Metrem un rajòl d’òli dins una caçòla sul fòc e quand l’òli serà cauda, i metrem la merluça per la rossir. Reservarem la merluça e dins lo meteis òli i fregirem la ceba, la remenarem amb la culhièra de fusta e quand serà un pauc daurada, i ajustarem la farina. Farem unas remenadas e ajustarem l’alh, lo jolverd e las taperas, un parelh de fuèlhas de laurièr, un gòt d’aiga e un autre de vin bolhit. Un còp salat e pebrat, abaissarem la flama e daissarem bolhir a fòc suau. Al cap de dètz minutas, i metrem la merluça e montarem lo fòc. O daissarem còser dètz minutas a fòc suau. Pas mai !
Se vous fousses vengut per fayre rouda laste,
Yeu aurio emplegat mon credi et ma fauou,
Per vous fayre bailla l’estat de marmitou.
Aqui agesses vist toute sorte de viandes,
Grand cantitat de plats, et de salsos friandes,
Daussels de Paradis, se naues vist iamays,
Et fosso bennarits que se fondiou de grays,
De faisans, de perdris, de coulons, d’alausettes,
Et de pichots poulets tendres comme d’herbettes,
De counils, de lebraus si grande quantitat,
Que m’en calguet gitta per fosso la mitat.
Quand lou bruch arriuet dins aquelle assemblado,
Yeu fasio dins lou plat une cappilotado :
Bref chacun coumensabo a s’espandi lou cor,
Sanso lou differen d’aquelle pomme d’or ;
Malheurouso inuentieu d’une viellio carcasso.
Extrach de Le jugement de Pâris de Francés Bonet, 1628.