Seleccionar una pagina

Estudiant

0 |

Gofannon : musica, occitan e natura

“Dels paisatges silvèstres e arcaïcs emergís una musica artesanala, una vision d’uèi dels temps ancians e oblidats”. Vaquí una descripcion de Gofannon, grop creat per Samuel Meric, figura montanta de la musica folk occitana.

Gofannon, es d‘en primièr lo projècte solò de Samuel Meric creat en 2016. Es lo resultat de mai d’una annada de trabalh.

Samuel a un percors musical atipic. Aprèp qualques annadas en escòla de musica per jogar de clarineta, decidiguèt de contunhar d’apréner la musica tot sol. Aital, Samuel aprenguèt mai d’un instrument : lo violoncèl, la flaüta, la bassa, la guitarra, l’acordeon, lo bozoki e lo cant.

Dins las annadas 2010, Samuel faguèt qualques enregistraments de sas composicions personalas amb pauc de material : un micrò e una carta son. Volguèt compausar una musica amb una poténcia inspirada del metal e de la musica acostica del gròp Naheulband.

Samuel parlava pas especialament occitan, aviá just ausit qualques expressions dins sa familha, coma força jovents de son atge. Stille Volk, grop de folk occitan, Hantaoma, son parièr version metal e Lou Quinse li donèron enveja de l’estudiar e de l’ajustar dins sas composicions. Aital, comencèt una licéncia d’occitan e un trabalh de collectatge per n’apréner mai.

En 2016, Gofannon sortiguèt son primièr album “Prosodie”, entièrament autoproduch per Samuel, amb aquestas composicions. Conten una musica folk poderosa, inspirada per la musica medievala europèa. Stille Volk, Wardruna, Faun, Iron Maiden, Lou Quinse influencièron Gofannon. Los cants polifonics son en occitan, anglés, francés e suedés e l’instrumentacion es diversificada e completa. Parlan de natura, de forèst. Aqueste album es distribuit sus Youtube e Bandcamp. Samuel ne vendèt qualques uns en version digitala e d’autres en version fisica.

En 2018, Samuel decidiguèt de far mudar son projècte : causiguèt de s’entornar d’una formacion per poder far de concèrts. Tres novels musicaires rejonhèron Gofannon : Rodolphe Johansson al violoncèl, Edouard Golfier a las percussions, Sarg Mercadier a la guitarra. Samuel, el, jòga de flaüta, de clarineta e canta.

Dempuèi la debuta de l’annada 2019, Gofannon s’es produsit en concèrt, en particular a l’Usina a musica e a l’Ostal dels joves e de la Cultura Roguet. Tanben, participèt en febrièr, al Cernunnos Pagan Festenal, un festenal de musica folk e rock a costat de París.

Patwa

Craft

Gofannon

2019

A prepaus de l'autor

Justine Mouysset

Justine es estudianta d'occitan a l'Universitat de Tolosa Joan Jaurés.

Soscriure
M'assabentar quand
0 Comentaris
Inline Feedbacks
Veire totes los comentaris

M’aboni !

Far un don al Diari

Lo Diari, coma tota la premsa emai la premsa occitana, patís d'una situacion malaisida. Aquí vos perpausam de sosténer la cultura en occitan. Cada don compta !

Anóncia

Los darrièrs clips

Cargament...

La letra del Diari

Soscrivètz a nòstra letra d'informacions !

Soscrivètz a nòstra letra d'informacions !

Vos prepausam de vos abonar, en dos clics, a una letra regulara que vos tendrà assabentat·da de las sortidas dels novèls Diaris papièrs e de la publicacion d'articles novèls.

Avètz soscrich amb succès !