Seleccionar una pagina

Tòca-Maneta

0 |

Game Over

Game Over

Avèm totes ausit, de prèp o de luènh, aquestes dos mots magics qu’acabèron un grand nombre de partidas. Mas fin finala que signifiquèron ? Fin de partida, o fin de vida ? Nos anam interessar a la simbolica de la mòrt dins los jòcs vidèo e a sos ròtles.

D’uèi encara la mòrt es absenta de mantuns jòcs, sovent perque representa pas cap interès per rapòrt als tipes de jòcs. Podèm pensar al genre de la simulacion dins sa màger part ; que siá d’espòrts (FIFA, NHL, NFL…), de mestièrs (Farming Simulator, Police Simulator…), de simulacions de « vida » (Sims, Nintendogs…), e mai encara… Avèm tanben tota la tièira dels jòcs educatius e dels jòcs pels dròlles coma Adibou o Lapin Malin ont es tot simplament impensable d’i far paréisser la mòrt. Enfin, avèm los jòcs amb un esperit « artistic » ont l’accent es portat sus la beutat de l’experiéncia prepausada, a l’imatge de Abzû, Rime o darrièirament Song of Nunu.

D’uèi la poténcia dels aparelhs nos permet d’aver una granda libertat, ça que la, foguèt pas totjorn lo cas a la debuta. La mòrt èra alara tant una constrencha tecnica d’implementar dins lo jòc qu’un mejan de lo perlongar, subretot sus las arcadas cap a las generacions 8 e 16 bits. Èrem entre una manca de memòria (e doncas de « contunha ») a un utís mercantil per aumentar la longor (e los profièches) tal coma sus Dragon’s Lair o Street Fighter.

Mas la mòrt pòt èsser tanben un element important d’un jòc vidèo, pensam aquí a la categoria (mai qu’un genre en se) dels Die and Retry (« morir e tornar ensajar ») amb notadament Darkest Dungeon, Dark Souls, Pokémon (dins son foncionament). La mòrt es una mecanica que lo jogaire deu prendre en compte per avançar, veire una mecanica integranta del jòc (los combats permeton als pokémons de ganhar d’experiéncia). Delai d’una mecanica « positiva », la mòrt dins lo jòcs pòt tanben èsser una mecanica « negativa » per sancionar lo jogaire. La mòrt es doncas aquí un mejan de punir lo jogaire per una accion marrida o per se trobar ont cal pas.

Quand se tracha de la mòrt dins los jòcs vidèos es evident de parlar de parlar dels jòcs de guèrra tal Call of Duty, Medal of Honor, Counter Strike, Arma… E, contràriament a çò que podèm pensar, son pas tan realistas sus la mòrt qu’aquò. La mòrt i es sovent una mecanica « negativa » coma ne venèm de parlar. Lo jogaire morís sonque per tornar al combat o se pòt far reanimar per de camaradas… Sembla un pauc paradoxal per de jòcs de guèrra e mai que mai per de simulacions. Ça que la, cal pas doblidar que son de jòcs vidèo e doncas que devon demorar de divertiments. Al contrari, d’autres jòcs presentan una mòrt definitiva coma dins Skyrim amb la mòrt de personatges al l’entorn del jogaire, o dins lo mitic Killswitch (de Karvina Corporation).

Per acabar, avèm de jòcs ont la mòrt es una recompensa e una finalitat en se, en tot sacralizar l’orror e la violéncia gratuita. Es lo cas de la seria Postal o mai ancianament de Chiller e Death Race (d’Exidy) o Mortal Kombat.

close

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Ancelin Cousin-Fauré

Adieu ! Soi un jove estudiant de lenga nòstra a l’universitat Joan Jaurés. Mon rapòrt a l'occitan sembla un pauc a una bona galejada perque soi un francimand (normand) que vòl devenir professor de lenga nòstra. Soi apassionat de jòcs vidèo tan dins lor pratica coma dins la cultura o la creacion a l’entorn. De mai aimi tanben los jòcs de ròtle e la sciéncia-ficcion distopica.

Soscriure
M'assabentar quand
0 Comentaris
Retorns en linha
Veire totes los comentaris

Crompar Lo Diari

Anóncia

Lo CalenDiari

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

Los darrièrs clips

Cargament...