Concors de novèlas del Lector del Val
Concors de novèlas del Lector del Val
“Aquel jorn, se n’èra anada vendre los uòus al mercat, coma cada dijòus”
Escrivètz la seguida !…
Las bibliotècas del Lector del Val (associacion de bibliotècas de Lauragués / sud-èst tolosan) organizan lor XXIIIen concors de novèlas, dobèrt a totes e a gratís, fins al 11 de febrièr de 2021.
Se pòt participar dins quatre categorias : primàri, segondàri, licèus, adults (los tèxtes collectius son permeses se fan partida de l’ensenhament d’una classa tota). Lo tèxte deu necessariament començar amb la frasa çai-sus. Lo genre demòra liure : fantastic, policièr, sciéncia-ficcion, istoric, romanèsc, aventura, etc…
Totes los dialèctes de l’Occitan son planvenguts, a carga pel participant de passar l’incipit dins sa varianta pròpia.
Se pòt tanben participar en francés, a partir de la frasa : “Ce jour-là, elle était partie vendre ses œufs au marché, comme tous les jeudis”
La remesa dels prèmis se debanarà lo 29 de mai de 2021 a la bibliotèca de Montbrun-Lauragués (31), e la remesa dels recuèlhs de novèlas als autors es prevista per la davalada de 2021. Un CD audiò de tèxtes occitans causits per la jurada serà fargat en mai de l’edicion del libre.
Per mai d’entresenhas o per obténer lo reglament : info@lecteurduval.org
o sus la pagina : http://www.lecteurduval.org/310-concours-nouvelles.html, ont se fa tanben l’inscripcion.