Seleccionar una pagina

Sylvain Béragnes

Sylvain Béragnes

Nasquèri a Vilanòva d’Òlt e passèri mon enfança dins un vilatjòt a la punta del Tarn e Garona entre Carcin e val d’Òlt abans d'anar viure a Tolosa. Aprèp aver comprés, tard, l’importància de la lenga qu’ausissiái dròlle, decidiguèri de l’aprene per de bon. Soi un afogat de fotografia : practiqui de contunha, expausi de còps. S'endeven que los projèctes fotografics e l’occitan se rejonhon.

Ronda mondina

Cossí donar un imatge d’un luòc tròp plan conegut ? Vesèm pas pus çò que coneissèm plan. D’ara enlà, l’uniformizacion ganha pertot e totas las carrièras del mond acaban un pauc de se semblar. Sos monuments e sas perspectivas remirablas e plan conegudas, la plaça carrada del Capitòli, la basilica de Sant Sarnin que tiba un det cap al cèl e tanben sos immòbles modèrnes dreits coma de boitas de carton doblidadas aquí : d’acòrdi, es Tolosa.

Ne legir mai

Fotografiar per desaparéisser

Remembrem-nos de Roland Barthes : « Çò que la fotografia reprodusís a l’infinit se tenguèt pas qu’un còp : repetís mecanicament çò que jamai pus se poirà repetir existencialament ». Existencialament ! Çò que vesèm ara sul papièr existiguèt mas existirà pas mai. Lo moment moriguèt e a l’encòp disèm que la fotografia immortaliza.

Ne legir mai

Jass

La nòta blava e los negres e blancs de la fotografia cresquèron amassa : d’imatges enfumats, cavats d’ombras tragicas, rehauçats de lums redemptors. Lo son que vegèrem1 es granulós, bolegat, coma per plorar las dolors, las umiliacions, los esquices del combat per qu’espelisca una dignitat.

Ne legir mai

Crompar Lo Diari

Los pòdcasts

Los darrièrs clips

Cargament...

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.