Seleccionar una pagina

Pòl Rausèl

Pòl Rausèl

Nascut en 1971 e sortit del país de Sault, Pòl Rausèl passèt sa vida a l’estrangièr : bèl primièr a París, puèi dins mai d’un país d’Africa, d’America Latina e del mond anglofòn. Ingenior de formacion, refusèt de se metre al servici de las grandas companhiás – nacionalas o internacionalas – e causiguèt puslèu de far l’artista (plastician) o l’ensenhaire, segon lo lòc e las possibilitats. Après aver barrutlat gaireben 30 ans per la planeta, ven de tornar definitivament al sieu país natiu e de tornar descobrir la siá lenga pairala (sa maire èra una berbèra josieva que li parlèt pas qu’en francés). Ditz que son país d’enfança a talament cambiat que, paradoxalament, es ara que se sentís en exili...

Lemòtges, un nom...

Es de mal imaginar çò qu’un significant pòt representar per un subjècte uman, los ressons que pòt far nàisser en el, los efièits qu’i pòt crear, l’existéncia a la quala pòt engatjar. Prenèm lo nom « Lemòtges », per exemple. Per d’unes va evocar espontanèament los esmalts e la porcelana, o una famosa esquipa de basquet, o lo fait de se far « limotjar », valent a dire disgraciar, privar de sas responsabilitats, de son pòste , o tot aquò a l’encòp.

Ne legir mai

Ieu sabi un conte...filosofic !

Al costat del conte tradicional existís lo conte filosofic. Nascut al sègle XVIIIen, aqueste genre literari es totjorn una istòria fictiva que permet a l’autor de criticar la societat de son temps, lo poder en plaça, e de transmetre d’idèas de portada filosofica : costumas de la noblesa, regimes politics, fanatisme religiós o autres corrents filosofics, etc. Repren la construccion del conte tradicional, amb qualques unas de sas formulacions, coma “Un còp èra…”, dins la mira de se sostraire a la censura regnanta.

Ne legir mai

Lo miralh dels idolatras

Se ven de publicar un sirventés de l’autor de l’inoblidable Antonio Vidal . Un sirventés, valent a dire – despuèi l’epòca del Trobar – un poèma de ruptura : aicí, ges d’amor cortés, mas un crit, terrible, moral, politic, existencial. En quatre cants, un crit imprecator que te pren, tanlèu lo començar, e te laissa pas.

Ne legir mai

M’aboni !

Anóncia

Los darrièrs clips

Cargament...

La letra del Diari

Soscrivètz a nòstra letra d'informacions !

Soscrivètz a nòstra letra d'informacions !

Vos prepausam de vos abonar, en dos clics, a una letra regulara que vos tendrà assabentat·da de las sortidas dels novèls Diaris papièrs e de la publicacion d'articles novèls.

Avètz soscrich amb succès !