Seleccionar una pagina

Hervé Terral

Hervé Terral

Hervé Terral foguèt sociològ de l'educacion a l'Universitat de Tolosa-Miralh e n'es ara retirat. Publiquèt d'obratges universitaris sus l'educacion, l'escòla, l'ensenhament professional en França. Occitanofòn d'aurelha d'entre Besièrs e Nimes, s'interessèt totjorn a la literatura d'òc e notadament a Antonin Perbòsc. Faguèt paréisser, en 2014, "L'Occitanie en 48 mots" (IEO Edicions), un libre de vulgarizacion de la civilizacion e de la cultura occitana, amb d'articles alfabetics dedicats a de concèptes coma l'istòria, la gastronomia, la literatura, largament sorsats e illustrats de citacions. Pel Diari, acceptèt de s'encargar d'una seria de retrachs d'autors de lenga d'òc... pas totes plan coneguts d'alhors !

Albert Arnavielle (1844, Alès - 1927, Montpelhièr)

Emplegat al PLM (París-Lion-Marselha) puèi jornalista, autor de poesias dins l’Armana cevenòu (1874-75) e l’Armana de Lengadò (1876), Albert Arnavielle venguèt majoral del Felibritge tre 1876 : i aguèt de facto una plaça bèla coma representant de la sensibilitat (ultra)catolica e monarquista ; es un biais de besson drechièr de Louis-Xavier de Ricard, que tenon en comun plan d’idèas… decentralizatritz.

Ne legir mai

Louis Roumieux (1829-1894), felibre de la Torre Manha

Nascut a Nimes, mòrt a Marselha, Roumieux fa partida d’una mena de pichòta « pleiada » nimesenca. Foguèt pròche de Jules Canonge (1812-1870), collaborator de l’Armana prouvençau, e de Jean Reboul (1796-1864), autor de lenga francesa mai que tot, mas tanben d’Un liame de rasin (1865), e que venguèt famós per aver convidat lo sieu protector Lamartine a lo passar veire, pas lo matin al fornial ont èra pancosièr, mas lo ser a l’ostal ont poiriá saludar lo poèta.

Ne legir mai

Qualques educators lausenjaires del vin

Son fòrça los qu’en lenga d’òc celebrèron lo vin long dels sègles. Demest los mai coneguts : J.-G. Dastros (1594-1648), curat de Sant Clar (Gers) ; P. Godolin (1580-1649), glòria del barròc tolosenc ; Jasmin (1798-1864), lo poèta popular d’Agen ; Lo Felibritge tot entièr (cf. la Coupo Santo de Mistral, lo cantalés Vermenosa, eca.). Mas saupriam pas tàiser lo duò de regents Perbòsc-Estieu, fondators vertadièrs, devèrs 1900, de l’occitanisme cultural.

Ne legir mai

Arsène Vermenouze

Vermenosa es tot a l’encòp Cantalés e « Gabacho ». Nascut a Vielha d’Aitrac, al ras d’Orlhac, es d’una familha d’emigrants auvernhats, patrons d’una « Companhiá », valent a dire d’un comèrci de telas e parapluèjas installat en Castelha (a Illescas, província de Toledo) : per aquò es un « Gabacho », tèrme castelhan que designa globalament los Franceses e, mai precisament, lo monde del « País Naut » occitan que, tre lo sègle XVIII, venon vendre lors braces per de trabalhs de fòrça (sègas e ressegatges…).

Ne legir mai

M’aboni !

Anóncia

Lo CalenDiari

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

Los darrièrs clips

Cargament...