America deu Nòrd qu’ei la tèrra promesa deus scientifics. Que saben arcuélher, invitar, promòver, e tanben reconéisher. America deu Nòrd que concentra los cervèths scientifics e perpausa condicions de trabalh de non pas créser. Scientifics francés despatriats que parlan d’un ambient favorable : qu’an contactes dirèctes dab los politics, los decididors federaus, los organismes scientifics e la societat ; las equipas qu’an resultats que son sostengudas. E totun que son passats a costat deu mei gran matematician du sègle XXau, Alexander Grothendieck.