Ròcafòrt

Dins de son campèstre avaironés, Laurie Privat s’ensaja a de creacions divèrsas. Illustracion, fòto, gravadura, vidèo, aitant de biais per parlar de çò que la tòca. Las minoritats i tròban una plaça de las bèlas, tan coma la ruralitat e tot çò que fa la sal de las relacions umanas sus las qualas pausa un agach personal. En parallèla de son trabalh de cargada de comunicacion per la cooperativa artistica Sirventés, debutèt son activitat artistica via lo compte Instagram @camp.liure en 2022. Ne faguèt un espaci d’experimentacion que, pichon a pichon, la pòrta sus de camins nòus e passionants.

Veire sas òbras