A Vista De Dròlles #01 amb Marius Blénet

Marius Blénet es jornalista a França 3, i presenta Viure al País e l’Edicion occitana. En parallèl fa actor, ten un ròtle màger dins La Seria, la primièra seria en occitan que fa lo buzz d’aquesta passa.

Inversion de ròtles per aqueste primièr episòdi ! Es al torn de la classa de tresenas del collègi de Sent Lis (Garona Nauta) de li pausar de questions, jos l’uèlh de lor professora e amb lo micrò de Guillaume Gratiolet…

Jornalistas en èrba : Andréa, Melvin, Théo, Nathan, Léo, Gabriel e Bastien, amb l’ajuda de Virginia Lago, professora d’occitan.

Coordinacion de projècte : Milia Legasa.

Mercés a l’associacion D’arts e d’òc per son sosten, al collègi de Sent Lis e a Virginia Lago !

👉 AVDD ❔

A Vista De Dròlles es un podcast virat en mitan escolar, amb una classa de joves occitans que se muda en redaccion. A cada episòdi, un convidat o una convidada ven parlar de son mestièr, de son percors, de son activitat o de son actualitat, jol fuòc de questions aprestadas en classa. Per çò que los dròlles sabon pausar las bonas questions, e las gausan quitament pausar quand los adultes, eles, gausarián pas !