Blu lo riu

Agost de 2021

Aquestas pinturas e dessenhs resultan d’un projècte que prepausèri per las Calandretas pendent lo primièr embarrament. La tòca foguèt que los calandrons tengan un quasernet per tal de s’exprimir sus la temporada, de’n tirar quicòm de creatiu. E d’aquesta matèria, dessenhar, pintrar d’afichas d’un biais simple.

Aquesta seria es la resulta personala del projècte Teni lo let, “j’ai la parole, l’initiative” en francés. D’exemples pels pichons mas una traucada picturala tanben, puèi qu’apareis aquí una tecnica, qu’ara contunhi d’emplegar dins mon trabalh.

610,00 

(Pòrt comprés)

En estòc

Artista(s)

Auteur/Autrice

  • Joan-Carles Codèrc

    Nascut a Courbevoie (92) en 1984, Joan-Carles Codèrc es originari del Segalar d'Avairon. Decidís lèu d'aviar d'estudis d'art e s'orienta aprèp lo bachilierat en classa preparatòria. Passa puèi per las Bèlas Arts de Marselha, puèi s'acara a la tipografia pendent tres ans, al dintre de l'ENSAV La Cambre a Brussèlas. Aprèp qualques annadas de grafisme, totjorn marcadas per un apròchi manual, se consacra finalament al dessenh, a la pintura o encara a la paret pintrada. E se designa d'aquí enlà, e mai largament, coma plastician. La cultura occitana fa una entrada tardièra mas indefugibla dins son apròchi, que definís aital : "crear en partissent del sòcle cultural, lingüistic e geografic occitan, aquí lo fondament de ma demarcha. Un eiretatge calat, vengut font de questionaments, de proposicions, quand se sarran de problematicas plasticas, socialas o politicas contemporanèas. M'emplegui a tornar dobrir doas vias, una per l'agach, l'autra per las aisinas. La creacion coma solucion a d'enjòcs que figura."

Imatges

Especificitats

Pés 1,8 kg
Dimensions 50 × 0,2 × 65 cm
Tipe

,

Supòrt

Medium

Tecnica

,

Òbra liurada amb un quadre.