Arnaud Cance / Saique benlèu
Tric e trac, lo noste Arnaud Cance qu’arriba dab un disc tot fresc aperat Saique Benlèu.
L’ancian sòci de Brick a Drac e de Tres a cantar que perpausa aquiu un disc solet, plapat de mantuas influénçias musicaus, en plen cairehorc entre Georges Brassens e Renat Jurié.
A maugrat quauquas cançons anecdoticas com « Laisser les mères en galère » o « Solé », Saique benlèu que nos arreserva titóls tribaus de prumèra borra com « Dejol pont de Lion » o « La vielha de Pibrac » interpretat dab los sons amics de Tres a cantar.
Au finau, aquiu un disc de bona tenguda fidèu a la generositat d’Arnaud Cance, digne airetèr d’artistas de la cançon protestatària de las annadas 70.
Saique Benlèu, sortit en çò de Brennus Music.
<iframe scrolling="no" frameborder="0" allowTransparency="true" src="https://www.deezer.com/plugins/player?format=classic&autoplay=true&playlist=true&width=700&height=350&color=ebe200&layout=dark&size=medium&type=album&id=12702400&app_id=1" width="700" height="350"></iframe>
