Seleccionar una pagina

3QA

0 |

Aqueles

Aqueles

Es quicòm qu’ausissèm sovent e vertat que podèm trobar mai d’una rason de pensar que, òc, «èra melhor abans». Es pas la musica e sa produccion industriala de represas que pòt díser le contrari. Pensatz doncas a çò qu’avèm pensat a l’ausir parlar d’un trio vocal belle époque

Aquò dit, es pas le primièr còp que vos parlam del trebalh de la Compagnie du Griffe. Al numèro 28 (novembre-decembre de 2015), vos presentàvem Chronos, una creacion del Griffe. E dins aquela, pas res de passadista. E mai : al crèdit d’Aqueles, levat la bonomia joiala dels cantaires, i a Dobai, un clip karaoke mesclant estetica belle époque e paraulas plan d’actualitat, e mai engatjadas que balha l’idèa que fin finala, èra melhor ara !

A l’escasença del succès de lor finançament participatiu de lor primièr album1 (de sortir en febrièr de 2017), avèm volgut ne saupre un pauc mai sus aqueles tres.

– 1 –

Es que vos podètz presentar totis tres en qualques mòts ?

E ben i a aquel, que canta. I a aquel autre que canta coma le prumièr. E i a aquel, que canta ambe les dos autris. Aquò fa que cantam atal amassa dempuèi d’annadas, te mainas ? E s’arregalam e esperam de divertir le mond. Fasèm diversion.

– 2 –

Sètz passats del cant tradicional lengadocian a la cançon belle époque en 2009 : perqué aquel cambiament ?

Perqu’es mai risolièr. I a d’aires tot polits d’aquela epòca en Lengadòc. Amai las paraulas que nos amusan. E la diversitat dals jos-dialèctes al dintre dal lengadocian qu’es de bon mastegar.

Perqué i avèm lisat, pauc a cha pauc. Ara i sèm fins a las espatlas, paure.

– 3 –

Avètz fait la causida d’un finançament participatiu, coma un fum d’artistas. Qualas ne foguèron las motivacions ? Es que le rapòrt avantatge – risc es pas un pauc dangierós comparat a un labèl ?

La motivacion màger foguèt le besonh d’argent. Còsta car d’editar un album. N’aviam, mas ne nos mancava una part. Demandèrem doncas una ajuda financièra an aqueles que nos volián plan sosténer, que lor agradariá de poder escotar çò que cantam a l’ostal o dins la veitura.

Per la comparason amb un labèl, sabèm pas dire, monsur, qu’es quicòm qu’avèm pas agut l’astre de conéisser.

A prepaus de l'autor

Lo Diari

Aquel compte es bailejat per tota la còla de redaccion del Diari. Es aquel compte que s'ocupa dels afars corrents sus aqueste site e s'encarga de la publicacion dels articles.

M’aboni !

Far un don al Diari

Lo Diari, coma tota la premsa emai la premsa occitana, patís d'una situacion malaisida. Aquí vos perpausam de sosténer la cultura en occitan. Cada don compta !

Anóncia

Los darrièrs clips

Cargament...

La letra del Diari

Soscrivètz a nòstra letra d'informacions !

Soscrivètz a nòstra letra d'informacions !

Vos prepausam de vos abonar, en dos clics, a una letra regulara que vos tendrà assabentat·da de las sortidas dels novèls Diaris papièrs e de la publicacion d'articles novèls.

Avètz soscrich amb succès !