Alidé Sans / Eth paradís èi en tu
Atjada de 22 ans, l’aranesa Alidé Sans que veng de sortir un disc aperat « Eth paradís èi en tu ». Qu’ei mauaisit de non pas èster estrambordat en escotar aquò.
Enas dralhas de las patronas de la canta occitana com Jacmelina o Marilis Orionaa, Alidé Sans que s’impausa coma la Janis Joplin occitana dab tèxtes plan sentits e ua votz de càger per tèrra. Entre raubia hip hòp ( Harànreggae ) e frescor quasiben fòlk ( Audèths ), aqueth disc que’t fot un còp de vam laguens ua creacion musicau occitana quauque còp embarrada. Lo parat tanben d’enténer drin d’occitan a la shauça aranesa, e de véger d’autas causas que de musica tradicionau (ne’m vau pas hèr amics en díder aquò !)
Eth paradís èi en tu, sortit en çò de Comuna XXI.
<iframe scrolling="no" frameborder="0" allowTransparency="true" src="https://www.deezer.com/plugins/player?format=classic&autoplay=true&playlist=true&width=700&height=350&color=9f7ceb&layout=dark&size=medium&type=album&id=12207122&app_id=1" width="700" height="350"></iframe>
