Seleccionar una pagina

Estagi de cant occitan amb Aurélia Nardini

18 febrièr de 2024 | 10h00 - 17h00

17 and 18 February

Animat per Aurélia Nardini a l'entorn d’un repertòri occitan larg, de Provença a Bearn

Estagi de cant occitan amb Aurélia Nardini
  • febrièr 2024
    • Dissabte 17 10h00 - 17h00
    • Dimenge 18 10h00 - 17h00

Un estagi de cant animat per Aurélia Nardini a l'entorn d'un repertòri occitan larg, de Provença a Bearn, basat sus una transmission orala amb un apròchi modal (rapòrt al bordon, compreneson dels gras, ornaments...). Abordarem de cants a dançar e passarem pel còs per comprene lor cadéncia, e qualques cants non pulsés per cantar en polifonia. Una atencion particulara serà portada a la tecnica vocala e la postura corporala, ligada al plaçament vocal especific a aquelas musicas. Un estagi dobèrt a totes nivèls, que serà mai aisidament abordable a las personas acostumadas a la transmission orala (pas o pauc de supòrt escrich!) e familiaras amb l'aprendissatge de las lengas. * Dissabte 17 e dimenge 18 de febrièr de 10h a 17h * a l'Ostau dau Pais Marselhes, 18 carrièra de l'Olivièr 13005 Prèmis : 70€* + 2€ d'adesion a l'Ostau dau Pais Marselhes *Tarifa recapte possible, me contactar *** e la velha, divendres 16 de febrièr a 19h, retrobatz Nenia Ira (Aurélia Nardini & Saskia Waledisch) en concèrt a l'Ostau ont lo duò presentarà una mescla de sas creacions modalas e del repertòri tradicional en occitan e ladino ! Aurélia Nardini es cantaira, compositritz vivent a Marselha. Desvolopa una practica vocala que religa de territòris sonòrs variats, e cerca dins las sonoritats tradicionalas de las correlacions amb las practicas experimentalas. Seguida a sos estudis en escòla d'art, trabalha l'improvisacion vocala aumentada per de dispositius electronics. Se forma puèi al pòst-diplòma Arts et Création Sonore a Bourges, puèi obten en 2016 un DEM de composicion électroacoustique al conservatòri de Pantin. Formada al près d'Emanuel Pesnot en 2021 (« Passeur de chant »), intègra la formacion en musica modalas occitanas Caminaires e gauta dins lo grop del meteis nom en 2022/2024. Interprèta, escrich e compausa dins diferents projèctes musicals : Nenia Anarà (cant modal electronic), La Popa (musica Occitana & experimentala), Lust.e (duò votz/maquinas amb Eléonore Bovon), BRIU (grop de bal aumentat occitan) e compausa per la ràdio e lo cinèma. Ensenha lo cant en cors individuals dempuèi 2010 e a l'Ostal del Cant dempuèi 2020.

Ostau dau País Marselhés (Marselha)

18 rue de l'olivier 13005 Marseille

04 91 42 41 14

L’Ostau dau País Marselhés es una associacion nascuda en 2000 d’una volontat de promòure la cultura occitana a Marselha, li balhant un espaci d’expression mas tanben d'entresenhas, de reflexion e de trabalh, pel monde que costejava lo barri de la Plana.

Cercar per nom

Cercar per datas

Cercar per lòc

Cercar per region

Cercar per departament

Cercar per tipe d’eveniment

Cercar per mot-clau

L’eveniment es passat ?