Seleccionar una pagina

3QA

0 |

3QA… Catarina Liethoudt

3 questions a …

Catarina Liethoudt

A la descobèrta de la librariá occitana de referéncia en region Auvèrnhe-Ròse-Alps, la plan nommada Découvertes Occitanes. Es una institucion, un dels tròp rars establiments del genre en país d’òc. Una librariá associativa amb una istòria se pòt pas destriar de la de Catarina Liethoudt, una librària apassionada qu’acompanha lo projècte dempuèi sa creacion.

Catarina Liethoudt e Fabiana que trabalha amb ela a la librariá

Estatua del papa Gerbèrt - DDP/Unsplash

1

L’Ostal del libre, qu’es aquò ?

L’Ostal del libre es una associacion qu’edita de libres e tanben gerís una librariá. Es estada fondada en 1988, en aquel moment, fasiá de difusion en çò de las librariás del Cantal e dels departaments a l’entorn, èra pas encara una librariá vertadièra. Èra primièr una seccion de l’IEO Cantal, puèi prenguèrem nòstra independéncia en 2000 e la librariá foguèt creada en 2002. Lo nom « Découvertes Occitanes » es una trobada de Bernat Giacomo. I aguèt sonque de benevòls fins a 2022, ara i a doas emplegadas. Organizam de rescontres amb d’autors coma Floriant Vernet, Sèrgi Carles o Jan dau Melhau. La prima passada, faguèrem un rescontre entre de liceans e l’autor Silvan Chabaud dins l’encastre de l’operacion « Joves en librariá ». En parallèl de las RapatonadasLo festenal de conte organizat per l'IEO Cantal dempuèi mai de 40 ans !, fasèm de rescontres amb los contaires qu’an de publicacions, fasèm tanben de causas en partenariat amb l’Ostal del Telh, coma aquí amb lo pintre de Cantal André Puech. I a nòstre siti tanben, que cal pas oblidar : representa pel moment 30 % del revengut !

2

Coma sètz venguda librària ?

Èri librària benevòla. Passèri lo brevet de professionala de librariá sus un còp de colèra ! Aviam una botiga en centre vila, e en 2005, i aguèt un incendi dins l’ostal ont se trobava la librariá, l’ostal foguèt en partida arroïnat, e fin finala, nos calguèt tornar en çò de nòstra maire, l’IEO de Cantal. Lo fuòc arribèt juste al moment que preniái ma retirada, e doncas i aviá de causas de far, d’adobar, e de moneda de tornar ganhar, aital passèri de professora a librària. Aviam pausat la candidatura de la librariá a un mercat public per la mediatèca departamentala. Lo mercat, l’aguèri pas : lo director de la mediatèca me diguèt qu’èri pas competenta ! Agregada de letras e m’ocupant d’edicions dempuèi 1989, foguèssi pas competenta ? (Rires) E donc passèri mon brevet de professionala de librariá per una procedura de validacion de competéncia, a l’Escòla francesa de la Librariá a Vincennes.

Eglise_MathiasReding

3

Ont nasquèt vòstra passion per la lenga ?

Ieu, soi un produch d’importacion. En 1968, èri a Paris, a la Sorbona, e aviái enveja de partir. Coma èri professora demandèri una mutacion, aital arribèri dins lo Cantal. Aviái passat 15 ans de seguida de vacanças en Bretanha e doncas coneissiái lo problèma de las lengas regionalas. E justament en 68 a la Sorbona, descobriguèri d’afichas sus una pòrta, n’i aviá una al dessús sus los Curdes de Turquia e l’aficha d’en dejós, aquò èra una aficha sus l’occitan e Occitania. Quand demandèrem la mutacion dins lo Cantal, me rapelavi pas pus aquela carta. Mas quand anèri per lo primièr còp al mercat, diguèri a l’òme : « Escota, aquí lo monde parlan francés amb un accent de copar al cotèl o alara es que sèm ja en Occitania ». E a la dintrada, trobèri lo Fèliç Daval que fasiá d’occitan al licèu ont èri nomenada. Èra a aprestar son primièr roman, me rapèli que me parlèt de Joan Bodon, qu’èra un escrivan dels bèls, e doncas anèri a de corses del Fèliç. L’IEO organizava de corses tanben, aguèrem coma professora la Terèsa Canet, qu’es ara contaira.

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Guillaume Gratiolet

Nascut en Òlt e Garona, Guillaume Gratiolet viu ara a Tolosa. Òme de mèdias, passèt per mai d'una ràdio, faguèt tanben de television, avant de s'ensajar uèi a la premsa magazine escrita dins las colomnas del Diari. "Selecta" (DJ) e animator, Guillaume es tanben un afogat de musica e de "pop culture", doas passions que parteja amb lo monde e en occitan se vos plai al dintre del projècte "Lo Clam", ont parla tan de serias tele que d'espòrt, de cinèma o de videojòcs, entre dos "esquètchs" risolents e de seleccions de cançons plan mitonadas. Quand foguèt sollicitat per far partida del còr de l'equipa del Diari, respondèt "òc" còpsec. Una evidéncia !

Soscriure
M'assabentar quand
0 Comentaris
Retorns en linha
Veire totes los comentaris

Crompar Lo Diari

Anóncia

Los pòdcasts

Los darrièrs clips

Cargament...

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.