Tot çò de publicat per Joan-Ives Casanòva

Racònte d’un amor impossible per aquelei bèleis esvanidas, Joan Ives Casanova bòta en scèna doas figuras femeninas inagantablas que l’existéncia tròp corta illustra una fragilitat essenciala, aquela d’una luciditat amara que lei quites amor e beutat pòdon pas comolar, laissant voida de sens una vida au cors inutile. Dins aquela pròsa, trèna o incantacion, demòra ges de certesa, bòrd aquela qu’afirma que “totei lei joinessas s’escrachan sus la paret dau temps”.

Aquelei tèxtes son estats escrichs entre 2014 e 2019, au fieu dei jorns. Constituisson de testimònis, de reaccions a d’eveniments, d’analisis de la lenga ò de pensadas sus de lecturas, l’escritura. Lo lector de uei podrà pensar que son datats, çò verai. Son de tralhs, la marca dau temps que va. Es per aquò que son mantenguts dins sa forma, son estil e son contengut.