Tot çò de publicat per Alan Roch

Aqueste libre vos serà d’una granda utilitat quand passatz a taula o quand bevètz un còp per lançar una convèrsa, per vos mostrar aimable (o desagradiu…), per èsser trufarèl (sus un ton seriós), per alucar una disputa de las bèlas o just per dire quicòm… De mai, prendretz part atal a l’autentificacion populara d’aqueles dos milierats de formulas e obraretz per que los moments de manjar e de beure demòren de temps d’escambis, de paraulas, de sociabilitat e de convivialitat !

130 poèmas e mai de 200 animals, del mai pichon (la paramecia) al mai gròs (lo dinosaure), d’aicí e d’endacòm mai, tèisson los ligams necessaris de l’imaginari pel viure ensemble, entre umans e animals, en armonia amb la Natura.

De qué se pòt trapar dins l’imaginari dels Occitans d’ara ? Benlèu : Marcelin Albèrt, d’arbres, la bèstia dels 7 caps, Joan Bodon, un cafè de la plaça de las Èrbas, unes contes, lo diable, lo drac, unes estabosits, las fadas, Febús, un gibós, Guilhèm del Telh, los jogaires del XIII, Na Loba, unes libres, Claudi Martí, las mitonas, la pachamamà e lo machapapà, Pèire Pous, unes totèms, Trencavèl, unas trèvas, los trobadors, lo vent… Vaquí los personatges que nos presenta lo poèta dins aqueste Mi-Òc-logia personala