Es pas fier, lo comte Gaëtan Caüsac daus Ombradors, nòble e chastelan : es avugle, a totjorn freg, a totjorn besonh de beure mai de pissar, e son fotut caractèr ! Pertant, son passat de comissari e sa reconversion en detectiu privat li donan l’enchaison de resòuvre daus misteris incredibles : queu de l’òrra cava de las pissaratas, queu daus esmanicats de las charrieras de Bordeu, queu de la femna que sos òmes tomban totjorn d’un pauc tròp naut, queu de la maison de repaus onte lo monde mueren totjorn d’un biais bizarri, queu d’un goiat mut vengut de sabem pas onte a Clarmont, queu d’una maison trevada per un poema malefic de Rimbaud… Acrochatz-vautres, bonas gents, quand Gaëtan e sos acolites surtirán dau chasteu daus Ombradors per partir en chaça, auretz pas ‘chabat de rire nimai de frijolar !