De valaias en valaas de Laurenç Revèst prepausa una passeaia geografica e lingüistica dins l’imaginari dals païses alpencs en lenga occitana. Un viatge dins los Alps de Gavotina amb de facietas divèrsas realas, probablas o fantasticas de las valaias occitanas alpencas, tant dins los Alps dal Sud coma en Piemont. Un percors dal país mentonasc a Cairàs en passant per las valaias dals Palhons, de Vesubiá, de Tiniá, d’Ubaia, de Var, de Verdon, de Bochaina, perpausat per aquest recuèlh de còntes. Un bèl moment de passar en cuntar aquelas istòrias als enfants coma a legir per los grands. Cada cònte illustra una varietat de l’occitan vivaroalpenc ; e la cubèrta e las illustracions d’Hélène Gallo an tanben lo gaubi artistic per materializar aquel univèrs lingüistic.