Seleccionar una pagina

Totes los articles ligats a "entrevista"

Richard Muller – La Veishiga e lo Sorelh

Parladissa a cèl dobèrt amb Richard Muller, astrofisician renomat. Dins son burèu modèste a l’observatòri de Tarba, qualques fòtos d’installacions en Índia, als Estats Units o al Japon recòrdan una carrièra fòra nòrmas, menada entre lo Pic de Miègjorn, son camp de basa pendent d’annadas, e lo monde entièr, que collaborèt amb d’unes dels mai famoses scientifics del domeni.

Ne legir mai

Patrice Benarroche – L’espaci nos agacha tanben

Amont naut, la capa estelada, solide, mas tanben una brava jaça de satellits ! Son de milierats que nos agachan, nos avisan, nos guidan, nos ligan. Aicí bas, d’engenhaires prenon garda qu’aquò vire plan coma cal. Per ensajar de compréner cossí s’articula aquel balet, avèm rencontrat Patrice Benarroche del Centre nacional d’estudis espacials (CNES), longtemps responsable d’operacions en orbita, un mestièr que, paures novelaris de l’espaci que sèm, poiriam dire de « pilòte de satellits ».

Ne legir mai

Monica Longobardi – Traduccion sens traïson

Seriá a se pasimentar un camin cap a Itàlia per la literatura occitana ? S’es lo cas, Monica Longobardi fa segurament la mèstra de las òbras ! Passada per plan d’universitats del país (Pisa, Roma, Siena, Ferrara), ont aprenguèt, abans de las ensenhar, la literatura medievala, la retorica, la dialectica, la filologia romana o la traduccion, comencèt de s’interessar pauc a pauc a las lengas minoritàrias. En 2015 fa dintrar l’estudi de la literatura occitana dins sas classas, e encontra d’autors de uèi, coma lo peiregordin Joan Ganhaire. Aquò donarà “Voi che mi avete uccisa”, traduccion en italian del roman policier “Vautres que m’avetz tuada” de l’escrivan d’expression lemosina. En junh, Monica Longobardi foguèt laureata del Premio Traduzione 2023 a Ostana per aquel trabalh e per sos esfòrces a far conéisser la literatura occitana delà los Alps. Encontre amb una dòna que parla de nos als vesins.

Ne legir mai

Sèrgi Carles – Un camin amb la lenga

A Sèrgi Carles, l’escòla li a tant agradat — emai foguèsse mai que mai en francés — que i a passada tota sa vida professionala. Regent, puèi mèstre-formator e pedagògue, ajudèt sos collègas dins lor prètzfach en lor portant de material pedagogic en occitan.

Ne legir mai

Fotomaton : Mariona Miret

Recentament, Mariona Miret recebèt la mencion del prèmi Joventut de l’Euroregion Pirenèus Mediterranèa coma influenciaira, una distincion que recompensa un trabalh bèl cap a la visibilitat de la lenga. Aquò o fa notadament pel biais de son compte Twitter, o d’autres mèdias socials. Activista, “revitalizatritz”, traductritz, que faguèt un mastèr en relacions internacionalas, catalana mas que trabalha tanben amb la Chambra d’Òc en Itàlia… per fòrça aquí nos parlarà pas que d’una part de çò que fa !

Ne legir mai

3 Questions… sus Revirada

Cada jorn un pauc mai, l’occitan se fa sa plaça dins l’ecosistèma numeric, que siá suls malhums socials coma dins las aplicacions del nòstre telefonet. Lo Congrès permanent de la lenga occitana seguís e acompanha aquelas novèlas practicas numericas, amb per exemple son aplicacion Dicodòc, bravament utilizada. L’an passat, es l’arribada de Revirada, lor traductor automatic occitan, que faguèt bruch.

Ne legir mai

3 Questions A… Oliver Whitmore

Oliver Whitmore es doctorant en lengas e literaturas romanicas a l’Universitat de Califòrnia a Berkeley. Qualques annadas passadas a Montpelhièr faguèron d’el un especialista del fach occitan e ara anima un grop de trabalh suls estudis occitans dins la prestigiosa fac californiana. Ne caliá pas mai per atisar nòstra curiositat.

Ne legir mai

William Mistral

Son de causas qu’interpèlan : la semblança fisica entre Frederic Mistral e William Cody, mai conegut jol nom de Buffalo Bill, aponduda a d’autres detalhs intrigants coma un arc d’Indians d’America del Nòrd dins lo musèu Mistral, amb sas sagetas.

Ne legir mai
Cargament

Crompar Lo Diari

Los pòdcasts

Los darrièrs clips

Cargament...

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.