Medin’Aqui ( Musica barrejada – Gasconha)
Desempuish la debuta deu son percors, Guillaume Lopez qu’a tostemps barrejat musicas andalosas e occitanas.
Medin’aqui qu’ei hens aquera via en perpausar un viatge iniciatic au còr de las musicas de Mediterranèa. Format de musicians arreconeguts com l’acordeonista Thierry Roques, Sam Bruguière deus Ogres de Barback o enqüera lo cantaire Amine Tiliou, Medin’Aqui qu’a ua sabor a l’encòp unica e multipla, e aquera còlha qu’envia quauquarren sus l’empont. Lo disc « de Tolosa a Tlemcen » que veng de sortir, mès mefisa-te, n’as pas lo dret de mancar Medin’Aqui sus l’empont : que seré ua fauta de gost !