Seleccionar una pagina

Critica literària

0 |

L’Istòria necessària

Lenda parlada, lenga viva - Sèrgi Gairal

tèxtes de Philippe Martel, amassats e presentats per Marie-Jeanne Verny e Yan Lespoux,

Edicions Lambert Lucas

400 paginas / 155x240mm
24.00€

Es qu’avèm vertadièrament besonh de redigir parièr article ?

« Études de langues et d’histoire occitanes permet al lector d’accedir en un libre a un condensat del caminament scientific e istoric de l’incontornable Philippe Marel, referéncia dins le subjècte se n’i a. » Saique nos poiriam arrestar sus aquò. Çaquelà, seriá pas rendre justícia a l’obratge. Assajam doncas de ne dire un pauc mai.

Començarem per pas se daissar abusar per la modestia dels intitulats en forma de « un pauc » : sèm plan fàcia a soma impressionanta d’articles en francés e en occitan, causits amb pertinéncia per compausar quatre cents paginas d’un interès màger. Los novicis benlèu trobaràn pensum d’un accès mai aisit ; aquò dit, Études a de son costat l’espandi dels subjèctes : permet de se constituir un sòcle de coneissenças respectable, mas subretot de trobar apuèi periòdes e tematicas çò mai propicis a l’interès. Les apassionats d’Istòria poiràn elis percórrer pas mens d’una quarantena d’annadas de recercas; siá una carrièra entièra (non qu’imaginam una minuta que la retirada pòsca arrestar l’explorator infatigable), mas els tanben, trobar de que aprigondir tala o tala question.

Mas, tot plan pensat, perqué far una istòria occitana, o mai exactament una istòria dels occitans ? « History is a gallery of pictures in which there are few originals and many copies. » (Istòria es una galariá de tablèus ont i a qualques originals e fòrça còpias) notava Alexis de Tocqueville. Cal doncas, per au dire d’un autre biais, saber d’ont venèm per saber ont anam e tanben per saber qual que sèm. Aquí tot le problèma : « Les Occitans ont-ils une histoire ? Entendons, une histoire qui leur soit propre et qui, tout en les associant la plupart du temps (pour le meilleur ou pour le pire…) aux autres Français, révèle cependant des spécificités qui les en distinguent ? » (4ena de cobèrta). A l’ora ont le redecopatge administratiu de França engendra tant de debats serioses coma de bregas estèrlas ; a l’ora tanben ont l’identitat se concep mai en mai coma l’oposicion a tòts les autres, l’Istòria a benlèu pas jamai estada tant d’actualitat.

Aqueste reviudament d’interès convòca dins son selhatge un cortègi de personatges mai o mens onèstas e ben intencionat ; dels que s’improvisan especialistas de la question als faussaris vertadièrs que reescrivon les faches sens autre finalitat que legitimar lors idèas, sens doblidar les per les que la frontièra entre passat e present es un concèpt, cossí dire… çò mai absrtait. Mond presentant al mens le meriti de nos repelar la valor e l’importància d’obràs empruntadas de rigor scientifica, coma les que nos son aquí prepausats.

En mai d’una basa istorica solida e variat, preambul perfèit a lecturas mas detalhadas, Études constituís un contre-point afilat a las doxas istoricas tant francesas coma occitanas. Una edicion de granda qualitat doncas, per un òbra scientifica que meritat sens dobte pas mens.

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Aldric Hagège

Aldric descobriguèt l'occitan a l'universitat del Miralh. Trabalhèt un temps pel Diari e participèt a son espelida coma vertadièr magazine cultural occitan, mas tanben dins la comunicacion o l'evenimencial. Lo podètz ara tornar trobar a "Nuage de Laine", son cafè-brocadís (café-tricot) dins lo barri dels Carmes de Tolosa.

Soscriure
M'assabentar quand
0 Comentaris
Retorns en linha
Veire totes los comentaris

Crompar Lo Diari

Los pòdcasts

Los darrièrs clips

Cargament...

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.