Seleccionar una pagina

Novèlas

0 |

Eschamnhes entre Baden-Wurtemberg e Corrèsa

Eschamnhes entre Baden-Wurtemberg e Corrèsa

Antan, coma lo Pascal Bodin de l’IEO Lemosin, encontreram, a Bel-Luéc, en Corrèsa, lo Dr Eva Martha Eckkramer, professora de lenguistica a Mannheim. Fagueram una entrevista que se tròba sus YouTube. E, a la debuta del mesmòrt, eram convidats per Dòna Eckkramer e l’universitat d’a Mannheim per parlar de Lemosin d’a los estudiants de Romania Minor, un cursus qu’estudia lengas romanas minorisadas e creòles a basa lexicala romana. Lo Pascal presentet lo Lemosin, parlet del trabalh de l’IEO e del siti de colectages « La Biaça ». Ieu faguei descrubir los mila ans de literatura lemosina, un pauc de lenga, e. c. a.

Lonh del mespres o de l’indiferéncia de costum, agueram mas plaser d’aquestes jòunes atentius e curós de çò que li contavam. I aguet d’emocion, mai, quante los estudiants me fagueron tornar dire La lauseta del Bernart de Ventadorn, dins la lenga.

E lo ser, lo Pascal nos botet a l’òbra per far un pastis de pomas de terra e una flaunharda, que sigueron arrosats de vins de Corrèsa e del Palatinat. E lo sopar s’achabet emb lo « Se chanta » !

A la prima, los estudiants vendrán en Lemosin per descrubir l’occitan pel país de Lemosin.

E Dòna Eckkramer nos aprenguet que lo 20 de belier, a Roma, i seriá remes, per lo Ministèri del Patrimòni Cultural, lo Prèmi Tacita-Mufa. Aqueste prèmi internacional, autres còps decernat per l’Unesco, recompensará l’accion de Dòna Eckkramer per las lengas minorisadas. Accion que la jurada descrubiguet e a primada mercés al filme que lo Pascal e ieu faguèram a Bel-Luèc !

Joan-Peire Lacomba

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.

A prepaus de l'autor

Joan-Peire Lacomba

Lo Joan-Peire Lacomba s’es eslevat del costat d’a Briva. Vint-e-cinc ans de temps, se botet, coma tots sos reires, paisan, en Nauta-Coresa ente fasia venir de bestias lemosinas. Anuech fai òbra d’escrire e de fòtògrafiar. Mai d’un projects son subre la sua taula de fustier d’autor, que sembla ben qu’esfregisse pas gaire. Dona tanben de cors d’occitan e, a l’enchaison, se sap far contaire.

Soscriure
M'assabentar quand
0 Comentaris
Retorns en linha
Veire totes los comentaris

Crompar Lo Diari

Los pòdcasts

Los darrièrs clips

Cargament...

La letra del Diari

Òu, plan lo bonjorn ! 👋
Aquò fa plaser de te veire rebalar per aicí.

Sabes que te pòdes marcar a la letra d'informacions del Diari ? Basta d'un mail per te téner al fial de çò que pareis, magazines, articles e mai !

Pas d'espam ! Mandam 1 a 2 letras per mes, pas mai. Legís nòstra politica de confidencialitat per ne saber mai.